Преферита

Пита со месо

Состојки

За фил:
1000гр.кори за пита Преферита ; 3 главици кромид ; 800гр.мелено месо ; зачини по желба (вегета, сол, пипер, лута пиперка)

За прелив:
5 јајца ; 180гр. павлака ; 350мл. кисела вода

Подготвување

Во малку масло, испржете го ситно исецканиот кромид, потоа додадете го месото, пропржете уште малку и зачинете по желба. За преливот, изматете ги јајцата, па додадете ги павлаката и киселата вода. На почетокот, одделете 2-3 кори кои ќе Ви требаат за да ја покриете питата одозгора. Замете еден плех (плех од рерна), премачкајте го со масло и ставете 2 кори.Израмнете ги и ставете од филот со месо. Врз филот ставете 2 кори, но свиткајте ги како хармоника. Постапката повторувајте ја додека имате кори и фил, со тоа што корите кои ги ставате врз филот ставајте ги накрсно. На крајот ставете ги израмнето корите кои предходно ги одделивте. Питата сечете ја на коцки и прелијте ја со предходно припремениот прелив. Оставете ја питата да стои барем еден час. Загрејте ја рерната на 180 степени и ставете ја питата. Печете ја 35-40минути.

Добар апетит!